Fyrir hverja?

Námskeiðið er opið stelpum og einstaklingum sem tilheyra jaðarsettum kynjum frá aldrinum 15-20 ára.

Engin þekking á tónlist nauðsynleg. Við búum til öruggt rými til að fikta, prófa sig áfram og gera mistök!

Hvað er kennt?

Þar fá þátttakendur grunn í raftónlist, læra að semja lög í Ableton Live og þeyta skífum. Við hvetjum þau sem vilja til að syngja og rappa inn á lögin sín og verðum með aðstöðu til að taka upp.

Margar tónlistarstefnur koma til greina en tónlist gerð í tölvu verður þó meginkennsluefnið, enda fyrst og fremst kennt á Ableton Live.

Í lok námskeið verða þátttakendur búnir að búa til drög að lagi sem við hlustum svo öll saman á í hlustunarpartíi í Tónlistarmiðstöð Læti! síðdegis þann 2. júní.

Búðirnar fara fram bæði á íslensku og ensku.

Dagsetningar: 29. maí, 31. maí, 1. júní og hlustunarpartí 2. júní

Staðsetning: Fellaskóli, 111 Reykjavík

Hlustunarpartí: Tónlistarmiðstöð Læti!, 111 Reykjavík

Fimmtudagur 29. maí (Uppstigningadagur) 09:30-16:00

– Frí föstudaginn 30. maí –

Laugardagur 31. maí 09:30-16:00

Sunnudagur 1. júní 09:30-16:00

Mánudagur 2. júní – Hlustunarpartí 17:30-19:00

Þátttökugjald er valfrjálst. Frí pláss eru einnig í boði.

Stelpur rokka! / Læti! eru sjálfboðasamtök sem starfa ekki í hagnaðarskyni og eru öll framlög umfram viðmiðunargjald vel þegin.

Aðeins 20 pláss eru í boði.

SKRÁNING: https://forms.gle/cre3dWYcGLS3eWxf9

Markmiðið er að jafna aðgengi stúlkna og jaðarsettra kynja að raftónlist. Verkefnið er styrkt af Erasmus+ og Barnamenningarsjóði. Allt starf Læti! tónlistar er styrkt af Reykjavíkurborg.