Blóðbönd | Páll Óskar & Diddú

Blóðbönd er nýjasta tónleikaröð Salarins þar sem einstaklingar tengdir blóðböndum stíga saman á svið. Ólíkar stefnur, ólíkar kynslóðir - sameiginleg rót.
Hér eru á ferðinni einlægir tónleikar sem snúast um samspil, fjölskyldubönd og tónlist sem verður aðeins til á milli þeirra sem eiga sameiginlegan hljóðheim.

Það þarf vart að kynna systkinin Pál Óskar og Diddú Hjálmtýsbörn en þau hafa glatt Íslendinga í áratugi. Á þessum innilegu tónleikum fáum við einstaka innsýn inn í þetta fallega systkinasamband þar sem þau munu blanda tónlistarstílum sínum saman á nýjan og skemmtilegan hátt.